Ek is so bly om uiteindelik die fotos met julle te kan deel. Tom & Xandra is by Stille Eeden in Ogies getroud. Dit was een van die dae wat regtig soos Kurt Darren se liedjie “Papsopwinterwaternat” was, maar dit het niemand se gees gedemp nie en almal was ewe opgewonde oor die dag. Gelukkig en met die Here se wil het die reën opgehou van net voor die seremonie begin het tot ons klaar was met die couple shoot. Die blomme en versierings is deur Christoff Stapelberg gedoen en kan ek net sê dit was uit die boonste rakke. Dit was ook een van die troues waar die families alles self gedoen het en hoe besonders is dit nie en ek dink dit hou soveel meer sentiment in. Tome & Xandra, baie dankie dat julle my gekies het om hierdie spesiale dag saam met julle te kon maak. Hoop julle geniet die fotos.
